Karyerasını “Parlaq bankçılıq”da inkişaf etdirmək istəyən namizədlərimiz üçün hazırda “Maliyyə monitorinqi şöbəsində Aparıcı və ya Baş mütəxəssis” vakansiyasını elan edirik.
Struktur: Maliyyə monitorinqi şöbəsi
Vəzifə: Aparıcı və ya Baş mütəxəssis
Bilavasitə tabeçiliyi: Şöbə meneceri
Vəzifə öhdəlikləri:
- Bank əməliyyatlarının «Cinayət yolu ilə əldə edilmiş pul vəsaitlərinin və ya digər əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında» AR Qanununun müddəalarına uyğun həyata keçirilməsinə nəzarət;
- Beynəlxalq məlumat-axtarış sistemlərindən istifadə etməklə xarici dövlətlərin firma və təşkilatları, embarqo və sanksiyalar tətbiq olunmuş hüquqi və fiziki şəxslər, həmçinin xarici siyasi xadimlərin pul vəsaitləri və digər əmlaklarla əməliyyatlarının yoxlanması;
- PL/TMM üzrə araşdırılan əməliyyatlarla bağlı filial və şöbələrdən müştəri təmsilçiləri tərəfindən təqdim edilən məlumatların yoxlanması;
- Nəzərdə tutulmuş hallarda Azərbaycan Republikasının Maliyyə Monitorinqi Xidmətinin həyata keçirilmiş əməliyyatlara dair məlumatların və sənədlərin təqdim olunması barədə sorğularının cavablandırılmasının təmin edilməsi;
- Əməkdaşlıq etdiyimiz maliyyə institutlarının PL/TMM üzrə yoxlanması və eyniləşdirilməsi;
- Qeyri-adi və şübhəlilik əlamətləri olan əməliyyatların müəyyənləşdirilməsi, araşdırılması və təhlil hesabatının hazırlanması.
Tələblər:
- Bankda PL/TMM üzrə minimum 2 il iş təcrübəsi;
- Ali təhsil (iqtisadi, hüquqi və maliyyə sahəsi üzrə təhsil arzuolunandır);
- Bank fəaliyyətinə dair qanunvericilik və normativ hüquqi sənədlər üzrə biliklər;
- Analitik düşünmə və təhlil bacarığı;
- Komandada işləmək bacarığı;
- MS Office (Word, Excel) proqramları biliklər;
- Sərbəst Azərbaycan dili biliyi mütləqdir, Rus dili və İngilis dili biliyi arzuolunandır.
Biz Sizə nə təklif edirik:
- Öz bilik və bacarıqlarınızı nümayiş və inkişaf etdirmək üçün rahat iş şəraiti;
- Performansın illik qiymətləndirməsi və gələcək karyeranızın qurulması üçün geniş imkanlar;
- Tibbi sığorta proqramına qoşulma;
- Müasir idarəetmə sistemi və mehriban kollektiv.
Siz elektron poçtun “mövzu” yerinə “Maliyyə monitorinqi” qeyd etməklə öz CV-lərinizi [email protected] ünvanına göndərə bilərsiniz.
İşəqəbul prosesinin növbəti mərhələsi üçün yalnız seçilmiş namizədlərlə əlaqə saxlanacaq.
Komandamıza qoşulmağa hazırsan?
Zəhmət olmasa CV-ni mövzu hissəsində vakansiyanı qeyd edərək [email protected] elektron ünvanına göndər
CV göndər
CV göndər