«Ən böyük nailiyyətim front-end sahəsi üzrə qazandığım praktiki biliklər oldu.»
"Summer Challenge" tələbə təcrübə proqramının iştirakçısı ADNSU-nun Mexatronika və Robototexnika mühəndisliyinin IV kurs tələbəsi Rəşad Əzimov bizimlə öz təəssüratlarını paylaşdı. Rəşad təcrübəsindən ən yadda qalan anları ilə bizimlə də bölüşmək istədi :)
- Rəşad, təcrübə zamanı əldə etdiyin ən böyük nailiyyətin nə oldu?
- Təcrübə müddətində müxtəlif nailiyyətlər qazandım. Məsələn, komanda ilə işin qurulması, vaxtın düzgün bölüşdürülməsi kimi. Amma ən böyük nailiyyətim front-end sahəsi üzrə qazandığım praktiki biliklər oldu.
- Təcrübə keçdiyin depratamentin iş prosesində xüsusilə nə sənin diqqətini çəkdi?
- Təcrübə proqramım İT departamentində keçdi, burada diqqətimi ən çox yaradılmış şərait və işçilərin komanda ruhu, isti münasibəti çəkdi.
- Sənin üçün “Summer Challenge”-lə bağlı yadda qalan ən xoş xatirə?
- Ümumiyyətlə təcrübə müddətində çoxlu pozitiv anlar yaşadım, onlardan mənim üçün ən yaddaqalanı Vurğun bəyin bizə dediyi fikir oldu: "Nə dediyimizə deyil, nəyi bildiyimizə önəm verin". Bu sözləri artıq heç vaxt unutmaram.
Biz isə Rəşada öz növbəmizdə gələcək karyerasında yeni parlaq layihələr arzu edirik.