İnternet Bankçılıq (İB) xidmətini müştərilərimiz üçün rahatlaşdırmağa davam edirik! Artıq hüquqi şəxs və sahibkarlar İB xidmətinə Google Authenticator vasitəsilə giriş edə biləcəklər.
Google Authenticator istifadəçinin internet bankçılıqa daxil olmaq üçün birdəfəlik 6 rəqəmli rəqəmsal şifrə təqdim edən iki addımlı identifikasiya üsuludur. Bu identifikasiya alətinin əsas üstünlüyü harada olmağınızdan asılı olmayaraq tam təhlükəsiz İB xidmətinə giriş imkanını təqdim etməsidir.
Bu funksionallığı şəxsi kabinetdə tənzimləmələr hissəsindən aktivləşdirmək mümkündür. Smartfona Google Authenticator mobil əlavəsini yükləməklə kabinetdə təsvir olunmuş QR kodu tətbiqdə skan edə və ya QR-ın aşağısındakı kodu daxil etməlisiniz.
İB xidmətinə həmçinin, elektron poçt ünvanı və ASAN imza ilə giriş imkanı da var.
Yelo Bankın ən müasir texnoloji həllər əsasında qurulmuş İnternet Bankçılıq xidməti sayəsində filiallarda təklif olunan bank xidmətlərindən distant və təhlükəsiz şəkildə, 24/7 yararlanmaq mümkündür. Xidmətə qoşulmaq üçün Yelo Bank müştəriləri onlayn qeydiyyatdan keçə (https://ibank.yelo.az/en/login), yeni müştərilər isə Yelo Bank-da hesab aça bilər. İB xidmətində aşağıdakı bir çox imkanlardan faydalana bilərsiniz:
• Bir və ya bir neçə hesab üzrə gəlir və xərclərin dinamikasının qrafikini izləmək
• Ödənişlərin müddətini əhəmiyyətli dərəcədə azaldacaq şablonların yadda saxlanılması və avtomatik ödənişlərin yaradılması funksiyaları
• Məzənnənin rezervasiyası imkanı. Bu funksiya optimal valyutanın alış-satış nisbətini əldə etməyə imkan verir
• Kredit sifarişi və ödəniş cədvəli
• Kartların onlayn idarəedilməsi (mədaxil, bloklaşdırma, blokdan çıxarılma)
• Bütün işçilərin əmək haqlarının bir dəfəyə ödənilməsi
• Fərdi funksionallığı olan işçilərin əlavə edilməsi
• Kütləvi ödənişlər
• Tam onlayn qarantiya məktublarının alınması
• Hesabdan çıxarışların avtomatik göndərilməsi və s.
Bütün bu funksiyalar şirkətlərin işini rahatlaşdırmaq, sənədləşmənin həcmini azaltmaqla yanaşı, şirkət hesabları və əməliyyatlarına nəzarəti də gücləndirəcək.