Yelo Bank Vətənimizin ərazi bütövlüyü naminə döyüşmüş, torpaqlarımız uğrunda şəhid olmuş hərbçilərimizə və onların ailələrinə dəstək göstərməyi özünün vətəndaşlıq və insanlıq borcu hesab edir. Bu dəfə Bank müqəddəs Ramazan bayramı münasibətilə Qarabağ uğrunda döyüşlərdə şəhid olan qəhrəmanlarımızın ailələrinə dəstək oldu.
Xocavənd rayonu Qızıl Aypara Cəmiyyəti ilə birlikdə şəhidlərimizin əmanəti olan ailələrə bayramqabağı ziyarət edildi. Bankın və Cəmiyyətin birgə maliyyə dəstəyi ilə hazırlanmış bayram sovqatlarından ibarət bağlamalar onlara təhvil verildi.
Xatırladaq ki, Yelo Bank korporativ sosial məsuliyyəti çərçivəsində şəhid ailələri və qazilərimizə həssaslıqla yanaşır və Qarabağ döyüşlərinin ilk günlərindən bu istiqamətdə çoxsaylı layihələr həyata keçirir.